Қытайдың азаматтық және коммерциялық спутниктері Ақсудағы жер сілкінісінің салдарын жоюға көмектесті

24 қаңтар, онлайн «Халық Газеті» -- 23 қаңтар күні сағат 2:09-да Шыңжаңның Ақсу аймағының Үштұрпан ауданында 7,1 балдық жер сілкінісі болды, сілкініс көзінің тереңдігі 22 шақырым. Сол күні сағат 2:45-те Қытай жер сілкінісі әкімшілігі жер сілкінісін болжау институтының шұғыл сұранысына сәйкес, Ұлттық ғарыш басқармасының Жерді бақылау және деректерді өңдеу орталығы алғаш рет азаматтық және коммерциялық ғарыш саласындағы төтенше жағдайларды жою механизмін іске қосты. Қытайдың ресурстық спутник қосымшалар орталығы жедел үйлестіріліп, Чангуан спутник технологиясы компаниясы, Тяньи ғылыми-зерттеу институты, Шаньдун өнеркәсіп және зерттеу институты, Micro-Nano ғарыш технологиясы компаниясы және басқа да азаматтық және коммерциялық спутниктік қондырғылар апат кезінде авариялық жағдайларды визуализациялауды орындады. Қазіргі уақытта жоғары ажыратымдылықтағы №4 спутнигі 9:10-ға, №1 спутнигі 13:35-ке, HJ-2B спутнигі 14:12-ге, Фучэн-1 спутнигі 13:27-ге бағытын туралады. Келесі спутниктік кескіндердің жоспары шұғыл түрде дайындалып жатыр. Суретте спутник жіберген жер сілкінісі аймағының көрінісі.