Алғаш рет! Қытай әскери-әуе күштерінің «Юнь-20» және «Цзянь-10» ұшақтары пирамида аспанында мәнерлеп ұшты (10)

29 тамыз, онлайн «Халық Газеті» -- Египеттің алғашқы Әуе көрмесіне қатысуға шақырылған Қытай әскери-әуе күштерінің «Юнь-20» және «Цзянь-10» ұшақ құрамалары 28 тамызда пирамидалардың үстінен мәнерлеп ұшып өтіп, Қытай мен Египет арасындағы достықтың тарихи куәсі болды.

Әскери-әуе күштерінің өкілі Се Пэнның айтуынша, бұл Ба-И әуе күштерінің ұшу тобы Африка елінде бірінші рет мәнерлеп ұшу өнерін көрсету үшін барған. Сонымен қатар бұл команданың шетелге жасаған ең алыс сапары болып табылады. Миссия ұжымы жол бойында құм-шағылды дала, қарлы таулар, мұхиттар мен шөлдердің үстінен ұшып өтіп, миссияны орындау қабілетін тексеріп қана қоймай, сонымен қатар Қытай әскери-Әуе күштерінің ұзақ қашықтыққа мобильді жеткізу мүмкіндігін және нақты жауынгерлік дайындық деңгейін сынақтан өткізді.

Египеттегі алғашқы әуе шоуы 3-5 қыркүйек аралығында өтеді. Осы уақытта Юнь-20 және Цзянь-10 ұшақтары көк аспанда мәнерлеп ұшып, Қытай әскери-әуе күштерінің әлеуеті мен айбатын толық көрсетеді.