Қазақстанда сиыр еті экспортына квота енгізіледі

ҚР Премьер-министрдің орынбасары және Қазақстан ұлттық экономика министрі Серік Жұманғариннің төрағалығымен өткен Сыртқы сауда саясаты және халықаралық экономикалық ұйымдарға қатысу жөніндегі ведомствоаралық комиссияның (ВАК) отырысында Қазақстанда сиыр еті экспортына квота енгізу туралы шешім қабылданды, деп хабарлайды Kazakhstan Today.

Ішкі нарықтағы бағаның өсуін тежеу және халықты ірі қара етімен жеткілікті көлемде қамтамасыз ету мақсатында сиыр етін экспорттауға уақытша шектеу енгізілуде. Сонымен қатар квота ірі адал өндірушілерге қолданыстағы келісімшарттар бойынша жеткізілімдерді сақтауға және сыртқы сату нарықтарын сақтап қалуға мүмкіндік береді. Тиісті бұйрық ҚР Ауыл шаруашылығы министрлігі тарапынан қабылданады.