Қытайдағы зерттеліп жатқан жаңа дәрі-дәрмектердің саны әлемдік көрсеткіштің 20%-ынан асты

10 қыркүйек, онлайн «Халық Газеті» -- Тілші бүгін өткен баспасөз мәслихатынан алған мәліметке сәйкес, елімізде зерттеліп жатқан жаңа дәрі-дәрмектердің саны әлемдік көрсеткіштің 20%-дан астамын құрады. Бұл көрсеткіш әлемдегі жаңа дәрі-дәрмектерді зерттеу мен әзірлеуде екінші орынға шықты. Әр түрлі отандық инновациялық дәрі-дәрмектер бірінен соң бірі мақұлдаудан өтіп, нарыққа шықты. Біздің елімізде дербес әзірленген қатерлі ісікке қарсы дәрі - «занубрутиниб» көптеген елде мақұлданып базарға шықты.