Алғашқы Сиань — Будапешт толық уақыт кестелі Қытай-Еуропа пойызы жолға шықты

24 қараша, онлайн «Халық Газеті» -- 22 қарашада кешке 45 контейнерлік жүк тиелген Қытай-Еуропа пойызы Сиань Халықаралық порт станциясынан шығып, Венгрияның Будапешт қаласына бет алды. Сиань—Дуйсбург және Сиань—Прага бағыттарынан кейін Сиань үш толық уақыт кестелі теміржол желісін қалыпқа түсірген елдегі алғашқы қала болды.

Қытай-Еуропа пойызының (Сиань-Будапешт) толық уақыт кестесі 22 қарашадан бастап аптасына бір пойыз болып қалыпқа түсті. Ол Сиань халықаралық порт станциясынан әр сенбі сайын сағат 23.00-де шығады. Шыңжаңның Алашанькоу порты арқылы елден шыққаннан кейін ол Қазақстан, Ресей, Беларусь, Польша, Чехия, Словакия және басқа елдер арқылы өтеді. Будапештке мөлшермен 10 күн 23 сағатта жетеді деп күтіліп отыр, оның тасымалдау тиімділігі қарапайым пойыздарға қарағанда шамамен 30% жоғары.