2025 жылдың алғашқы 11 айында Қытайда жаңадан құрылған шетел инвестиция салған кәсіпорындар сәйкес мезгілмен салыстырғанда 16,9%-ға өсті

22 желтоқсан, онлайн «Халық Газеті» -- Сауда министрлігінің мәліметтері бойынша, 2025 жылдың қаңтарынан қарашасына дейін Қытайда шетелдік капиталды нақты пайдалану 693,18 млрд юаньды құрады, бұл өткен жылмен салыстырғанда 7,5%-ға төмендеген. Шетел инвестиция салған жаңадан құрылған кәсіпорындар саны 61 207 болып, бұл өткен жылмен салыстырғанда 16,9%-ға өскенін білдіреді.

Сала бойынша, өндірісте шетелдік капиталды нақты пайдалану 171,72 млрд юаньға, ал қызмет көрсету саласында 506,29 млрд юаньға жетті; жоғары технологиялық салаларда шетелдік капиталды нақты пайдалану 221,26 млрд юаньға жетті, электронды коммерция қызметтері 127%-ға, медициналық жабдықтар мен машина жасау өндірісі 46,5%-ға, ал аэроғарыштық жабдықтар өндірісі 41,9%-ға өсті.

Инвестицияның келу көздеріне келер болсақ, Швейцариядан, БАӘ-ден және Ұлыбританиядан келген нақты инвестициялар тиісінше 67%-ға, 47,6%-ға және 19,3%-ға артты.