Қытайда 0-19 жас аралығындағы онкологияға шалдыққан науқастардың 5 жылдық өмір сүру деңгейі айтарлықтай жақсарды

25 желтоқсан, онлайн «Халық Газеті» -- 24 желтоқсан күні Ұлттық балалар онкологиялық бақылау орталығы Қытайда балалар мен жасөспірімдер арасындағы онкологиялық аурулардың 5 жылдық өмір сүру деңгейі бойынша жүргізілген алғашқы зерттеудің деректерін жариялады. Зерттеу елімізде 0-19 жас аралығындағы онкологиялық науқастардың 5 жылдық өмір сүру деңгейі 10 жыл бұрынғы жағдаймен салыстырғанда айтарлықтай жақсарғанын, кейбір қатерлі ісік түрлері бойынша бұл көрсеткіш халықаралық озық деңгейге жеткенін көрсетеді. Аталмыш зерттеудің нәтижелері жақында «The Lancet» медициналық журналында жарияланды.

Зерттеу елімізде 0-19 жас аралығындағы онкологиялық науқастардың 5 жылдық өмір сүру деңгейі 77,2% екенін көрсетеді. Ретинобластоманың 5 жылдық өмір сүру деңгейі ең жоғары болып, 91,2%-ға жетті.

Дүниежүзілік денсаулық сақтау ұйымының «Балалар арасындағы қатерлі ісіктің жаһандық бастамасында» көрсетілген алты басымдықты қатерлі ісік түрі бойынша еліміздегі науқастардың 5 жылдық өмір сүру деңгейі 80%-дан асады, бұл ДДСҰ-ның 60%-дық мақсатынан әлдеқайда жоғары.

Сарапшылар бұл ілгерілеу медициналық қауіпсіздік жүйесін реформалауға, өлке аралық медициналық есеп жасауды ілгерілетуге, халықаралық стандартты емдеу хаттамаларын жалпыластыруға және мемлекеттік ынтымақтастық желісін құруға байланысты екенін атап өтеді. 2019 жылы құрылғанынан бері Ұлттық балалар онкологиялық бақылау желісі ел бойынша 31 өлкедегі 1760 медициналық мекемені қамтыды.