Жаңа жыл демалысында Грузия, Қазақстан және Өзбекстанға саяхаттаған қытайлық туристер саны екі есеге артты

6 қаңтар, онлайн «Халық Газеті» -- 2026 жылдың 1-3 қаңтары аралығында Қытайдың жаңа жылдық мереке демалысы кезінде Азия қытайлық туристер үшін ең қолайлы демалыс орнына айналды.

Qunar онлайн туристік платформасының есебіне сәйкес, жаңа жыл демалысында ең танымал 10 саяхат орны түгелдей Азия қалалары болды.

Qunar сайтының хабарлауынша, танымал бағыттар тізімінде бірінші орында Корея Республикасының астанасы Сеул тұр.

Айта кетейік, жаңа жылдық мереке күндері Грузия, Қазақстан және Өзбекстанға әуе билеттерін брондау саны өткен жылдағы сәйкес кезеңмен салыстырғанда екі есеге артқан. Сала сарапшыларының пайымдауынша, мұның бір себебі - бұл елдер Қытай азаматтары үшін визасыз режимді енгізуінде.

Қытайға саяхаттауға келетін болсақ, жаңа жылдық мереке кезінде Қытайдың Хайнань қаласына келетін шетелдік туристердің саны айтарлықтай өсті. Хайнань өткен желтоқсанда бүкіл арал бойынша кедендік операциясын бастағаннан бері мәдени туризм нарығы белсенді бола бастады. Хайкоу мен Санья Қытай қалаларының ішінде шетелдік туристер үшін әуе билеттерін брондау саны ең жылдам артқан қалалар болды, бұл өткен жылдың сәйкес кезеңімен салыстырғанда сәйкесінше 3 есе және 5 есе өсті.

Qunar сайтының хабарлауынша, 1-3 қаңтар аралығында Хайнаньға келген шетелдік туристер негізінен Малайзия, Таиланд, Корея Республикасы, Вьетнам, Австралия және Ресейден келген.

Сонымен қатар жаңа жылдық мереке кезінде Дали, Сишуанбаньна, Бэйхай, Сюйчжоу, Чжаньцзян және басқа да танымал туристік қалалар шетелдік туристер үшін танымал бағыттар болды. Негізінен туристер Вьетнам, Сингапур, Малайзия, Корея Республикасы, Индонезия және басқа да жақын шет елдерден келеді.