Қазақстан 2026 жылды Цифрландыру және жасанды интеллект жылы деп жариялады

Қазақстан Республикасының Президенті Қасым-Жомарт Тоқаев «2026 жылды Цифрландыру және жасанды интеллект жылы деп жариялау» туралы Жарлыққа қол қойды. Бұл шешім Қазақстанның ұзақ мерзімді даму стратегиясын жаңа технологиялар негізінде жүзеге асыру, цифрлық трансформацияны жеделдету және жасанды интеллектті (ЖИ) кең көлемде енгізу мақсатында қабылданды. Бұл туралы Қазақстандық БАҚ жазды.

ҚР Президенті жаңа Жарлығында атап өткендей, 2026 жыл Қазақстан үшін цифрлық жаңғырудың және озық технологиялар енгізудің маңызды кезеңіне айналады. Жарлығында көрсетілгендей: 2026 жыл ресми түрде Цифрландыру және жасанды интеллект жылы болып жарияланады; Қазақстан Республикасының Үкіметіне осы маңызды жылды өткізу бойынша қажетті шараларды қабылдау тапсырылды;Жарлықтың орындалуын бақылау ҚР Президентінің Әкімшілігіне жүктеледі.

Бұл қадам Қазақстанның цифрлық стратегиясын кезеңдік түрде жүзеге асыруға мүмкіндік береді, соның ішінде мемлекеттік басқаруда, бизнесте, білім беру және әлеуметтік салаларда цифрландыруды кеңейтуге бағытталған.