Қытай мен Орталық Азия елдері арасындағы тауар саудасы тарихта алғаш рет 100 миллиард АҚШ долларынан асты

19 қаңтар, онлайн «Халық Газеті» -- Қытай Кеден статистикасына сәйкес, 2025 жылы тауарлардың жалпы импорты мен экспорты 106,3 миллиард АҚШ долларына жетіп, сәйкес мезгілмен салыстырғанда 12%-ға өсіп, өсу қарқыны өткен жылға қарағанда 6 пайыздық тармаққа көтерілді.

Қытай мен Орталық Азия арасындағы импорт пен экспорттың жалпы көлемі тарихта алғаш рет 100 миллиард АҚШ долларынан асып, бес жыл қатарынан оң өсімді сақтап келеді. Қытай алғаш рет Орталық Азия елдерінің ең ірі сауда серіктесіне айналды, ал Орталық Азияның Қытайдың сыртқы саудасындағы үлесі одан әрі ұлғайды.

Қытайдың Орталық Азияға экспорты 71,2 миллиард АҚШ долларына жетіп, өткен жылмен салыстырғанда 11%-ға өсті. Экспорт өнімдері ішінде машина жасау мен жоғары технологиялық өнімдер қарқынды өсті. Сонымен қатар жаңа энергетикалық көліктер, литий батареялары және күн батареялары өнімдерінің нарықтағы үлесі тұрақты кеңейді. Орталық Азиядан импорт 35,1 миллиард АҚШ долларына жетіп, өткен жылмен салыстырғанда 14%-ға өсті, бұл химиялық заттар, болат және ауылшаруашылық өнімдері сияқты шикізаттық емес өнімдерді одан әрі толықтырды.