Қазақстанда туризмге салынған инвестиция көлемі 32%-ға өсіп, 1,2 трлн теңгеден асты

Қазақстанда туризмге салынған инвестиция көлемі 32%-ға өсіп, 1 трлн 254 млрд теңгеге жетті. Бұл туралы ҚР Үкімет отырысында Қазақстанның Туризм және спорт министрі Ербол Мырзабосынов баяндады.

Оның айтуынша, инвестиция тарту бағыты бойынша да белсенді жұмыс жүргізілуде. Жүзеге асырылу жоспарланған 328 инвестициялық жоба қамтылған.

Орналастыру орындарының қызметін пайдаланған туристердің саны 10 млн-нан асты, яғни 12%-ға өскен.

Ербол Мырзабосыновтың пікірінше, Дүниежүзілік экономикалық форумның жаһандық индексінде Қазақстан 119 елдің ішінен бұрынғы 66 орыннан, қазір 52 орынға көтерілген. Қазақстанның алға қойған мақсаты үздік 50 елдің қатарына кіру болмақ.