Үкімет жұмысы туралы баяндаманың қысқаша мазмұны

Сурет Синьхуа агенттігінен алынды

5 наурыз, онлайн «Халық Газеті» -- 5 наурызда ҚХР Мемлекеттік кеңесінің Премьер-министрі Ли Цян Мемлекеттік XIV Халық құрылтайының төртінші сессиясында үкімет жұмысы туралы баяндама жасады, оның негізгі мазмұны төмендегідей:

1. 2025 жылғы жұмысқа шолу

   Жалпы ішкі өнім 5%-ға өсті;

   Қалаларда 12,67 миллион жаңа жұмыс орны құрылды;

   Астық өнімділігі 1,43 триллион цзинге (715 миллион тонна) жетті;

   Жаңа энергетикалық автокөліктердің жылдық өндірісі 16 миллион данадан асты;

  Өткен 5 жылда («14-інші бесжылдық»)

   Жалпы ішкі өнімнің орташа жылдық өсімі 5,4% болды;

   Өңдеу өнеркәсібінің қосылған құны 16 жыл қатарынан әлемде бірінші орынды сақтап келеді;

   Тұрғындардың жан басына шаққандағы қолда бар табысының орташа жылдық өсімі 5,4% болды;

   Қала-қалашықтарда жиынтығы 60 миллионнан астам жаңа жұмыс орны құрылды.

2. «15-ші бесжылдықтың» негізгі мақсаттары мен басты міндеттері

   Жалпы ішкі өнім өсімін үйлесімді шекте сақтау;

   Ғылыми-зерттеу және тәжірибелік-конструкторлық жұмыстарға арналған жалпы қоғамдық қаржыландырудың орташа жылдық өсімін 7%-дан жоғары ету

   Жалпы ішкі өнімнің бірлігіне шаққандағы көмірқышқыл газы шығындысын жиынтығы 17%-ға төмендету;

   Сандық экономиканың негізгі салаларының қосылған құнының Жалпы ішкі өнімдегі үлесін 12,5%-ға жеткізу;

   Еңбекке жарамды халықтың орташа білім алу ұзақтығын 11,7 жылға дейін арттыру;

   Халықтың орташа өмір сүру ұзақтығын 80 жасқа дейін арттыру;

   Астық өндірудің жиынтық қабілетін шамамен 1,45 триллион цзинге (725 миллион тонна) жеткізу;

   Энергия өндірудің жиынтық қуатын 5,8 миллиард тонна стандартты көмірге жеткізу.

3. 2026 жылға арналған экономикалық және әлеуметтік дамудың жалпы талаптары мен саясат бағдары

   Экономикалық өсім 4,5%-5% болады;

   Қалаларда 12 миллионнан астам жаңа жұмыс орны құрылады;

   Тұтыну бағасының өсуі шамамен 2% болады;

   Астық өнімділігі шамамен 1,4 триллион цзин (700 миллион тонна);

   Жалпы ішкі өнімнің бірлігіне шаққандағы көмірқышқыл газы шығындысын шамамен 3,8%-ға төмендету;

   Тапшылық деңгейі шамамен 4% деңгейінде жоспарланып отыр, оның көлемі өткен жылмен салыстырғанда 230 миллиард юаньға ұлғайды;

   Жалпы мемлекеттік бюджет шығыстарының көлемі алғаш рет 30 триллион юаньға жетеді;

   1,3 триллион юань мөлшерінде өте ұзақ мерзімді арнайы мемлекеттік облигациялар шығару жоспарланып отыр;

   4,4 триллион юань мөлшерінде жергілікті үкіметтердің арнайы облигацияларын орналастыру жоспарлануда.

4. 2026 жылғы негізгі жұмыс міндеттері

   Табыс: Қала және ауыл тұрғындарының табысын арттыру жоспарын әзірлеу және іске асыру, табысы төмен топтардың табысын арттыру, тұрғындардың  мүліктік кірісін ұлғайту, еңбекақы жүйесі мен әлеуметтік сақтандыруды жетілдіру бойынша бірқатар нақты шаралар қолдану;

   Тұтыну: Тұтыну тауарларын жаңасына ауыстыруды қолдау үшін 250 миллиард юань көлемінде өте ұзақ мерзімді арнайы мемлекеттік облигациялар бөлу;

   Инвестиция: Орталық бюджеттен 755 миллиард юань көлемінде инвестиция бөлу жоспарлануда, «екі маңызды» құрылыс (Мемлекеттік маңызы бар ірі стратегияларды іске асыру және маңызды салалардағы қауіпсіздік қабілеті құрылысы) үшін 800 миллиард юань өте ұзақ мерзімді арнайы мемлекеттік облигация қаражатын бөлу;

   Жаңа сапалы өндіргіш күш: Интегралды схемалар, аэроғарыш, биофармацевтика, төмен биіктік экономикасы сияқты жаңа дамып келе жатқан тірек салаларды құру. Болашақ энергиясы, кванттық технологиялар, бойға сіңген интеллект (Embodied Intelligence), ми-компьютер интерфейсі, 6G сияқты болашақ индустрияларды дамыту. «Жасанды интеллект плюс» бағдарламасын тереңдету және кеңейту;

   Біртұтас жалпыұлттық нарық: Өндірістік қуатты реттеу, стандарттарды басшылыққа алу, бағаны қадағалау, сапаны бақылау сияқты құралдарды кешенді қолдана отырып, сапасыз, тиімсіз және әділетсіз бәсекені терең жою;

   Ашықтық: Қосымша құны жоғары телекоммуникация, биотехнология, шетелдік меншік ауруханалар сияқты салалардағы ашықтық пилоттық жобаларын одан әрі кеңейту;

   Ауылды жан-жақты жандандыру: Екінші мерзімді жерді жалға беру кезеңі аяқталғаннан кейін оны тағы 30 жылға ұзарту бойынша толық провинциялық пилоттық жобаны жан-жақты бастау. Төртінші жалпыұлттық ауыл шаруашылығы санағын жүргізу;

   Жаңа урбанизация: Ауыл шаруашылығынан ауысқан халықтың қалалық азаматтыққа өтуін ғылыми және ретті түрде ілгерілету, келу орны бойынша орта мектепке түсу емтиханына тіркелу шарттарын жергілікті жағдайға қарай жеңілдету;

   Жұмыспен қамту: Жұмыс орындарын тұрақтандыру, кеңейту және сапасын арттыру бойынша іс-қимыл бағдарламасын іске асыру;

   Білім: Мектепке дейінгі тегін білім беру саясатын жетілдіру, жалпы орта мектептердегі оқу орындарының санын көбейту;

   Медицина мен денсаулық сақтау: Қала және ауыл тұрғындарының медициналық сақтандыруы бойынша жан басына шаққандағы қаржылық субсидия стандартын 24 юаньға арттыру;

   Әлеуметтік қамсыздандыру: Қала және ауыл тұрғындарының базалық зейнетақысының ең төменгі айлық мөлшерін тағы 20 юаньға арттыру. Алғашқы некеге тұрған және алғашқы балалы болған отбасылардың тұрғын үймен қамтамасыз етілуін күшейту, көпбалалы отбасылардың тұрғын үй жағдайын жақсартуға қолдау көрсету;

   Жасыл даму: Ұлттық төмен көміртекті трансформация қорын құру, сутегі энергиясы, жасыл отын сияқты жаңа өсу нүктелерін дамыту;

   Жылжымайтын мүлік: Тұрғын үй қорларын жандандырудың көп арналы жолдарын зерделеу.