2026 жылы Астана халықаралық қаржы орталығының Шанхайдағы презентациясы Шанхай қор биржасында өтті

8 мамыр, онлайн «Халық Газеті» -- Жуырда Шанхай қор биржасы (ШҚБ), Қазақстанның Астана халықаралық қаржы орталығы (АХҚО) және Астана халықаралық биржасы (АХБ) бірлесіп ұйымдастырған «2026 Астана халықаралық қаржы орталығының Шанхайдағы презентациясы» Шанхай қор биржасында өтті. Шанхай қалалық халық үкіметінің, Қазақстан Республикасының Шанхайдағы бас консулдығының, Шанхай қор биржасы мен АХҚО-ның тиісті басшылары іс-шараға қатысып, сөз сөйледі.

Тілшінің мәліметінше, бұл іс-шара барысында Қазақстанның қаржы жүйесі мен капитал нарығының жай-күйі таныстырылып, Қытай мен Қазақстанның қоғамдық компанияларының, бағалы қағаздар компанияларының, қор компанияларының және т.б. 150-ге жуық өкілдерінің қатысуымен екі елдің арасында 10-нан астам бір-бірімен кездесулер ұйымдастырылды. Қатысушылар Қытай мен Қазақстанның кәсіпорындары мен капитал нарығындағы инвестициялық ынтымақтастық мүмкіндіктерін терең талқылады.

2017 жылы АХҚО-мен ынтымақтастық орнатып, АХБ-ға акционер болып кіргеннен бері, Шанхай қор биржасы қытайлық қаржы институттарының Қазақстанда бизнес жүргізуін тұрақты түрде қолдап, қытайлық кәсіпорындарға «Бір белдеу, бір жол» құрылысына қызмет көрсетуге АХҚО мен АХБ платформаларын пайдалануға ынталандырып келеді. Нарықтың біртіндеп жетіле түсуіне байланысты бірнеше қытайлық бағалы қағаздар компаниялары АХБ-ның мүшесі атанды, ал кейбір қытайлық кәсіпорындар АХБ арқылы қаржыландыру мүмкіндігін алды.