Алматы хореографиялық училищесі мен Қытай компаниясы арасында стратегиялық ынтымақтастық орнады

2026 жылғы 11 мамырда Алматы қаласында Александр Селезнёв атындағы Алматы хореографиялық училищесі балет өнері саласындағы стратегиялық ынтымақтастық туралы келісімге қол қою рәсімі өтті.

Негізгі оқиға - Училище мен Chengdu Grishko Education Management Co., Ltd. компаниясы (Чэнду қ., Қытай Халық Республикасы) арасындағы балет білім беру саласындағы стратегиялық ынтымақтастық туралы келісімге қол қою рәсімі.

Келісімге қол қою қазақстандық-қытайлық өзара ықпалдастықтың кеңеюі аясында жүзеге асырылды. Құжат училищенің халықаралық қызметіндегі жаңа бағытты айқындап, Қытай Халық Республикасындағы серіктестермен жүйелі жұмыстың негізін қалыптастырады: педагогикалық алмасулар, білім алушылардың тағылымдамалары, бірлескен білім беру және сахналық жобалар жүзеге асырылатын болады.

Chengdu Grishko Education Management Co., Ltd. компаниясы (Grishko Орыс балет мектебі) 2023 жылы Чэнду қаласында құрылған және әлемге танымал Grishko бренді қолдауымен Қытай мен Ресей арасындағы кәсіби балет білімі мен мәдени алмасу саласына маманданған ұйым болып табылады.