ШЫҰ елдері бойынша бесінші жастар инновациялық және кәсіпкерлік байқауының финалы Циндаода басталды

29 маусым, онлайн «Халық Газеті» -- 28 маусымда Шанхай ынтымақтастық ұйымына (ШЫҰ) мүше мемлекеттер бойынша бесінші жастар инновациялық және кәсіпкерлік байқауының финалы Циндао қаласында басталды. Қытай, Ресей, Беларусь, Қазақстан және тағы 4 елден келген 20 үздік жоба жасанды интеллект, биомедицина, жаңа материалдар, қазіргі заманғы ауыл шаруашылығы сияқты озық салалар бойынша сайысқа түсті.

Бұл байқауды Қытай — Шанхай ынтымақтастық ұйымы ғылыми-техникалық инновациялар ынтымақтастық орталығы ұйымдастырды. Іріктеу кезеңінде Ресей, Беларусь, Қазақстан, Өзбекстан, Қырғызстан, Пәкістан және Моңғолия сияқты 7 шетелдік аймақтық іріктеу алаңы, сондай-ақ Янцзы өзенінің атырауы, Солтүстік-Батыс Қытай және Гуандун-Сянган-Аомэнь шығанағы секілді 3 ішкі аймақтық іріктеу алаңы құрылып, барлығы 230 жоба питчингке қатысып, қорытындысында 20 үздік жоба финалға іріктелді. Биылғы байқаудың ауқымы мен жобалар сапасы бұрынғы жылдардан асып түсіп, ШЫҰ мүше-мемлекеттеріндегі жастардың инновациялық және кәсіпкерлік әлеуетінің жоғары екенін толық көрсетті.