Цинхай Түрікменстанның Балқан аймағына баратын алғашқы Орталық Азия жүк пойызын іске қосты

29 маусым, онлайн «Халық Газеті» -- 28 маусым күні Цинхайдың Синин қаласынан Түрікменстанның Балқан аймағына баратын алғашқы Орталық Азия жүк пойызы жолға шықты. Киім-кешек, электр құрылғылары, авто бөлшектер және күнделікті тұтыну тауарларын қоса алғанда, 55 контейнер жүк тиелген пойыз Қытайдан Қорғас порты арқылы шығып, Қазақстанды басып өтіп, Түрікменстанның Агала станциясына жетеді. Сапардың жалпы қашықтықтығы 5420 шақырымды құрап, транзиттік уақыт шамамен 14-15 күнге созылады.