2026 жылдың бірінші жартысында Хайнань аралының салықсыз сауда көлемі 20 миллиард юаньға жуықтады

9 шілде, онлайн «Халық Газеті» -- Хайкоу кедені 8 шілдеде жарияланған деректерге сәйкес, биыл алты айда кедендік бақылаудағы аралдан кететін салықсыз сауда көлемі 19,92 миллиард юаньды, сатып алынған тауар саны 15 966 000 дананы, сатып алушылар саны 2 793 000 адамды құрап, өткен жылдың сәйкес кезеңімен салыстырғанда тиісінше 18,8%, 7,3% және 12,6%-ға өскен.

Жылдың бірінші жартысында Хайнань «мәдени-туристік іс-шаралар + көрме-мерекелік шаралар + салықсыз сауда» интеграциясы арқылы ішкі және халықаралық клиенттер ағынын кеңейтті. Алтыншы Халықаралық тұтыну тауарлары көрмесі жоғары деңгейлі тұтынуды бастап, Цинмин, 1 мамыр, Дуаньу мерекелері және Халықаралық автомобиль федерациясының Formula E электрлы формула әлемдік чемпионаты, 2026 жылғы Алтыншы Азия жағажай ойындары сияқты халықаралық жарыстармен қатар өтіп, бүкіл аралдағы салықсыз сауданың қызуын арттыра түсті, аралдан кететін салықсыз сауда халықаралық, сапа және алуан түрлікке қарай дамыды.

Әрбір салықсыз сауда операторлары көрме мүмкіндіктерін ұстай біліп, жаңа өнімдердің тұсаукесері, арнайы жеңілдіктер, бірлескен акциялар сияқты іс-шаралар топтамасын ұсынып, «көрме тамашалау + туризм + салықсыз сауда» біріктірілген тұтыну сценарийлерін жасап, көрме ағынын нақты тұтыну өсіміне тиімді айналдырды.