Қытайлық шөлейттенуге қарсы күрестің еңбек ері Инь Юйчжэнь американдық досы «Саркоспен» қауышты

24 тамыз, онлайн «Халық Газеті» -- 23 тамыз күні түстен кейін Қытайдың құмды бақылау жұмыстарын қолдаған американдық мұғалім Рональд Сакольский Ішкі Моңғұлдың Ордос Эджин Хоро халықаралық әуежайына келді. Ол әуежайда қытайлық шөлейттенуге қарсы күрестің батыры және мемлекеттік еңбек ері Инь Юйчжэньмен араға 26 жыл салып, сағынышпен қайта қауышты.

1999 жылы Қытайда мұғалім болып жүрген Сакольский теледидардан Инь Юйчжэньнің өте күрделі экологиялық ортада ағаш отырғызып жүргені туралы репортажды көргеннен кейін қатты әсерленеді. Ол үш ай бойы халықаралық ақша аудару жолдарын зерттеп, Инь Юйчжэньге 5000 доллар жіберіп, ағаш көшеттер сатып алуына көмектеседі.

Му Ус құмды шөлі бір кездері «Өлім теңізі» деген атпен танымал болған. 1985 жылдан бастап Инь Юйчжэнь мен оның күйеуі 41 жыл бойы талмай еңбек етіп, шөл далаға 70 000 му-дан (шамамен 4600 гектар) асатын көгал отырғызып, шөл даланы гүлдендіру үшін аянбай тер төгіп келеді.

Бүгінде жергіліктің өсімдіктер жамылғысымен көмкерілуі 80%-дан асады, ал көшпелі құмдар 93%-ға азайды. Аймақ қу медиен шөл даладан орман мен атыздықтар араласқан жасыл алқапқа айналып, тіпті шөл шиесін өсіру сияқты «жасыл өнеркәсіптің» дамуына ықпал етті.