Қазақстанда Халықаралық қытай тілі күні аталып өтті

Астана қаласында

Қазақстан мен Қытай арасындағы мәдени-гуманитарлық ынтымақтастық аясында Астана, Алматы қалаларында Халықаралық қытай тілі күніне арналған салтанатты іс-шара өтті.

Мәдени бағдарлама барысында университет студенттері домбыра күйін орындап, би билеп, қытай тілінде ән шырқап, қытай поэзиясынан өлең оқыды. Өнер көрсетілімдері студенттердің қытай тілін жоғары деңгейде меңгергенін айқын көрсетті.

Іс-шара қатысушылар үшін қытай каллиграфиясы бойынша көрме-тәжірибе алаңы ұйымдастырылып, қонақтарға қытайдың дәстүрлі жазу өнерімен жақынырақ танысуға мүмкіндік берілді.