2026 жылғы Дүниежүзілік жасанды интеллект конференциясында 3000-нан астам экспонат қойылады

18 маусым, онлайн «Халық Газеті» -- 2026 жылғы Дүниежүзілік жасанды интеллект конференциясы және жасанды интеллектті жаһандық басқару жөніндегі жоғары деңгейдегі жиналысына 30 күн қалуына орай өткен баспасөз мәслихатында биылғы конференция «Интеллектпен бірге болашақты жасау» тақырыбымен 17-20 шілде аралығында Шанхайда өтетіні белгілі болды.

Шанхай қалалық экономика және ақпараттандыру комитетінің төрағасы Тан Вэньканьның айтуынша, конференция жасанды интеллектті дамыту мен басқару – жаһандық назардағы өзекті мәселеге арналып, алты негізгі бағыттан тұрады, олар: форум отырыстары, көрмелер, байқаулар мен марапаттаулар, тәжірибелік қолдану, инновациялық инкубация, таланттар тарту.

Конференцияда 140-тан астам тақырыптық форум өткізіліп, 1400-ден астам халықаралық қонақ жиналады деп жоспарланып отыр. Көрме аумағы 100 мың шаршы метрден асады, 1100-ден астам компания қатысып, 3000-нан астам экспонат ұсынылады. Кәсіби деңгейі мен салалық ықпалы жылдардағы ең жоғары көрсеткішке жетеді.

Айтарлықтай назар аударатын жәйт – конференция аясында тұңғыш рет жасанды интеллект бойынша академиялық конференция өткізіліп, оны Тьюринг сыйлығының иегері мен қытайлық және шетелдік академиктер басқарады. Қазіргі уақытқа дейін әртүрлі елдер мен аймақтардан 284 мақала қабылданды.