Ұлттық статистика бюросы: Жоғары деңгейлі өндіріс Қытайдың экономикалық өсуіне айтарлықтай үлес қосып келеді

15 шілде, онлайн «Халық Газеті» -- Ұлттық статистика бюросы директорының орынбасары Мао Шэнюн 15 шілде күні Қытай Халық Республикасы Мемлекеттік кеңесінің ақпарат кеңсесінде өткен баспасөз мәслихатында алдын ала бағалаулар жылдың бірінші жартысында жоғары деңгейлі өндіріс, цифрлық экономика және заманауи қызметтер (дәстүрлі салаларды трансформациялау мен жаңғыртуды қоспағанда) сынды жаңа өсудің қозғаушы күші экономикалық өсімге 40%-дан астам үлес қосқанын көрсеткенін мәлімдеді.

Мысалы, жылдың бірінші жартысында ірі көлемді жоғары технологиялық өндіріс кәсіпорындарының қосылған құн өнімі өткен жылмен салыстырғанда 13,3%-ға өсті. Атап айтқанда, аэроғарыштық жабдықтар өндірісі мен электроника және байланыс жабдықтары саласының қосылған құн өнімі сәйкесінше 16,3% және 17%-ға өсті, ал интегралды схема өндірісі және ақылды көлік жабдықтарын өндіру сияқты жасанды интеллектке қатысты салалар 30%-дан асатын жылдам өсу қарқынын сақтап қалды.

Сонымен қатар жасыл трансформация қарқыны жеделдеді. Жылдың бірінші жартысында жаңа энергия көліктерінің бөлшек саудаға ену деңгейі 3 ай қатарынан 60%-дан асты, бұл литий-ионды аккумуляторлар өндірісінің 39,3%-ға артуына себеп болды.