Шанхай ауруханасы ми-компьютер интерфейсі жүйесіне алғаш рецепт жазып, сәтті операция жасады

15 шілде, онлайн «Халық Газеті» -- Шанхай қалалық ғылым және технология комитетінің мәліметі бойынша, нарықта мақұлданғаннан кейін қолдың әрекет функциясын өтеуге арналған имплантацияланатын ми-компьютер интерфейсі жүйесінің (NEO) алғашқы рецепті 13 шілде күні Шанхайда берілді. Ал әлемдегі алғашқы имплантация операциясы Фудань университетінің Хуашань ауруханасында сәтті аяқталды. Операция кезіндегі тестілеу жүйе түсірген эпидуральды ЭЭГ сигналдарының тұрақты және жоғары сапалы екенін көрсетті. Қазіргі уақытта науқастың отадан кейінгі жағдайы жақсы.

13 наурызда нарықта рұқсат алған бұл технология небәрі 4 айдың ішінде нақты клиникалық тәжірибеде қолданыла бастады. Бұған дейін зертханалар мен клиникалық сынақтармен шектелген озық технология осылайша тиісті медициналық көрсетілімі бар науқастарға бағалау жүргізіліп, пайдалануға болатын қолжетімді медициналық өнімге айналды.