Шетелдік туристер Қытайдың көп жеріне баратын болды

16 шілде, онлайн «Халық Газеті» -- Ресми деректер 2026 жылдың бірінші жартысында Қытайға келген шетелдік туристердің саны 22,914 миллионға жеткенін, бұл өткен жылдың сәйкес мезгілімен салыстырғанда 20,4%-ға өскенін көрсетеді. Олардың ішінде 17,815 миллион адам визасыз келіп, 30%-дан астам өсімге жеткен. Бұл визасыз саясаттың сыртқы туризмнің тұрақты өсуін қамтамасыз етіп жатқанын көрсетті.

Елімізге келетін шетелдік туристер төңіректің төрт бұрышынан ағылуда. Жазғы маусымда елімізге Тайланд, Канада, Америка Құрама Штаттары, Ұлыбритания, Ресей, Қазақстан, Австралия, Моңғолия және Швейцариядан турист көп келеді.

Бағыттарға келетін болсақ, Бейжің, Шанхай, Гуанчжоу, Шэньчжэнь, Чэнду, Ханчжоу, Сямынь, Хайкоу, Циндао және Чунцин сияқты ірі қалалар мен аймақтық хабтар халықаралық стандартқа сай кешенді нысандарының арқасында шетелдік туристер үшін ең жақсы таңдау болып қала беруде. Олардың ішінде Чунциннің тартымдылығы айтарлықтай артып, қалаға ұшатын рейстерге тапсырыс беру жылдың бірінші жартысында сәйкес мезгілмен салыстырғанда 30%-ға өсті. Бұл ең танымал 10 қаланың ішіндегі ең жылдам өсу қарқынын көрсетті.

Шетелдік туристер енді тек ірі қалаларға қанағат тұтпай, олардың сапар көкжиектері Даочэн, Голмуд және Цзинганшань сияқты бірегей шағын қалаларға кеңюде. Асықпай аралау және жергілікті тұрмыспен танысу жаңа үрдістер ретінде пайда болды.

Іскерлік саяхаттар келу туризмінің жаңа өсу қозғаушы күшіне айналды. Ұсақ тауарлар саудасының жаһандық орталығы Иуда келу рейстеріне тапсырыс беру сәйкес уақытпен салыстырғанда 60%-дан астамға өсті. Ал Шэньчжэньнің Хуацянбэй сауда ауданы да шетелдік бизнесмендер арасында сүйікті орынға айналды.

Хайнань еркін сауда портының бүкіл арал бойынша арнайы кедендік операцияларына байланысты саяси артықшылықтарға сүйене отырып, жергілікті мәдени туризм тез дамып келеді. Хайкоу, Санья және Цюнхай сияқты қалаларға келетін шетелдік туристер саны айтарлықтай артты.

Фото: Синьхуа