Фуцзянь арнаулы туристік пойызын іске қосты

31 шілде, онлайн «Халық Газеті» -- 29 шілде күні Фуцзяньнің Уишань ұлттық саябағының тақырыптық экскурсиялық пойызы алғашқы сапарын бастады. Жолаушылар Фуцзяньнің аймақтық мәдениетімен танысып, «сапардың өзі көрініс, пойызға міну деген демалыс» дейтін саяхатты шынымен бастан кешіре алады.

Пойыз бағыты солтүстік Фуцзяньнің негізгі көрікті жерлерін, соның ішінде Уишань, Цзяньян және Фучжоуды басып өтіп, Данься жер бедері, таулы қалалардың көрінісі сияқты ерекше ландшафттар, сондай-ақ материалдық емес мәдени мұра элементтерін тамашалай алады.

Пойыз Сун әулетінің эстетикасынан шабыт алып безендірілген. 8 вагоннан тұратын пойыз достармен серуендеу немесе отбасылық демалыс сияқты әртүрлі саяхат қажеттіліктеріне бейімделіп, 5 функционалды аймаққа бөлініп орналастырылған.

Пойызға панорамалық терезелер, мәдени және шығармашылық өнімдерді көрсету аймағы және шай бары орналасқан. Пойызда жеке купе, көп функциялы мәдени вагон, ерекше далада демалу стиліндегі вагон және отбасылық тақырыптық кеңістік бар. Сапар барысында жолаушылар шайдың дәмін татып, Ханьфуды (дәстүрлі қытай киімдері) киіп көріп, материалдық емес мәдени мұра қойылымдары және экологиялық білім беру сияқты әртүрлі іс-шараларды тамашалай алады.

Фото：Қытай темір жолы