Қытай – Қырғызстан – Өзбекстан мультимодальды жүк пойыздарының жиынтық саны 1500-ден асты

31 шілде, онлайн «Халық Газеті» -- 28 шілдеде коммерциялық көліктер мен автокөлік бөлшектері тиелген бірнеше көлік Қашқар солтүстік бекетінің теміржол жүк алаңынан жолға шықты. Бұл елдегі тұңғыш теңіз-теміржол-автомобиль «бірыңғай жүкқұжат» мультимодальды жүк пойызының Қашқарға жетіп, теміржол мен автомобиль тасымалы арасындағы үзіліссіз ауысуды сәтті аяқтағанын көрсетті. Пойыз жүктері Оңтүстік Кореяның Инчхон портынан теңіз арқылы Қытайдың Яньтай портына жеткізіліп, содан кейін теміржол арқылы тікелей Қашқарға келеді. Одан кедендік тіркемелер арқылы Еркештам өткелінен шығып, Қырғызстанға жөнелтіледі. 2022 жылдан бастап бүгінге дейін Қытай – Қырғызстан – Өзбекстан мультимодальды жүк пойыздарының жиынтық саны 1500-ден асты.

Қытай – Қырғызстан – Өзбекстан автомобиль-теміржол транзиттік дәлізі – аталған мемлекеттер арқылы өтетін мультимодальды логистикалық магистраль болып табылады.

2022 жылы іске қосылғаннан бері Қытай – Қырғызстан – Өзбекстан мультимодальды жүк пойыздары біртіндеп тұрақты қатынауға қол жеткізді. Тасымалданатын тауар түрлері бастапқыдағы киім-кешек, металл құралдары сияқты 30-дан астам түрлі тауарлардан жаңа энергетикалық көліктер, машина бөлшектері сияқты 300-ден астам түрге дейін кеңейді. Бүгінге дейін жиынтық саны 1500-ден асып, 1 784 100 тонна жүк тасымалданды.