Гуандун-Сянган-Аомэнь Үлкен шығанақ аймағындағы алғашқы «Хуалон №1» жобасының бірінші кезеңі толығымен аяқталды

4 тамыз, онлайн «Халық Газеті» -- 3 тамыз күні Гуандун Тайпинлин ядролық энергетика жобасының 2-блогы ресми түрде пайдалану мен электр энергиясын өндіруді бастады, бұл Гуандун-Сянган-Аомэнь Үлкен шығанақ аймағындағы алғашқы «Хуалон №1» дербес үшінші буын ядролық энергетика технологиясы жобасының бірінші кезеңі толық аяқталып, пайдалануға берілгенін білдіреді.

Тайпинлин ядролық энергетика жобасының бірінші кезеңі толық аяқталғаннан кейін, 2025 жылы отандық ядролық электр станцияларының орташа пайдалану сағаттарына сүйене отырып, екі блок жылына 18 миллиард киловатт-сағаттан астам электр энергиясын өндіреді деп болжанып отыр. Бұл көлем шамамен 2 миллион адамның өндірісі мен күнделікті тұрмыстағы жылдық электр энергиясына деген қажеттілігін қамтамасыз етеді. Сонымен қатар көмірқышқыл газы шығарындыларын жылына шамамен 16,63 миллион тоннаға дейін азайтады. Бұл Гуандун-Сянган-Аомэнь Үлкен шығанағы аймағының таза энергиямен жабдықтау қуатын одан әрі арттырады.