Чжэцзян Қытай-Еуропа пойызымен биыл импорт-экспорттық контейнерлердің 200 000 TEU-дан астамын тасымалдады

10 қазан, онлайн «Халық Газеті» -- Ханчжоу кеденінің 8 қазанда жариялаған соңғы деректеріне сәйкес, Чжэцзянның Қытай-Еуропа пойызы (Иу-Шинжаң-Еуропа) бойынша тасымалданған импорттық және экспорттық контейнерлердің жиынтық көлемі биыл 200 000 TEU межесінен асып, 7 қазандағы жағдай бойынша 200 460 TEU-ға жетті.

Чжэцзян Қытай-Еуропа теміржол экспресі (Иу-Шинжаң-Еуропа) Иу және Цзиньхуа қалаларында кедендік бақылау нысандарын пайдаланады. Жүк тасымалы көлемінің үздіксіз өсуіне байланысты Ханчжоу кедені реттеу процестерінде цифрлық жаңғыртуды жеделдетті. Ол логистика, кедендік декларациялау және транзит тізбегі бойынша ақпаратты нақты уақыт режимінде тексеруге мүмкіндік беретін тұйық циклді бақылау жүйесін құрып, кедендік транзит операциялары тәулік бойы автоматтандырылған түрде жүзеге асырылатын болды.

Қазіргі уақытта Чжэцзянның Қытай-Еуропа пойыздары (Иу-Шинжаң-Еуропа) Еуразиядағы 50-ден астам ел мен аймақтағы 160-тан астам қаланы байланыстыратын 27 тұрақты бағыт бойынша қатынайды.