Гуйчжоудағы «Ауылдық сән сахнасы»: таулы аймақтан әлемдік сахнаға жол тартты

13 қазан, онлайн «Халық Газеті» -- Гуйчжоу өлкесінің Кайли қаласындағы Мяо және Дун этникалық мәдениет саябағында жұмадан жексенбіге дейін кешкісін ерекше этно-сән көрсетілімі өтеді. Сахнаға шығатындар – кәсіби модельдер емес, Жунцзян, Цунцзян және Липин сияқты аймақтардан келген қарапайым ауыл тұрғындары. Олардың көбі жұмыс күндері кесте тігумен, саудамен немесе отбасылық шаруалармен айналысады.

2024 жылдың шілдесінде Гу Асинь есімді жас мяо жігіті туған ауылында сән көрсетілімін ұйымдастырып, ауыл тұрғындарының дәстүрлі киімдерін көпшілікке паш етуге мүмкіндік берді. Қатысушылар саны артқан сайын іс-шара ауқымы да кеңейе түсті. Кейіндеп, көрсетілім «Ауылдық сән сахнасы» деген атпен танымал болып, жергілікті этникалық мәдениеттің ерекше белгісіне айналды.

Бүгінде Гуйчжоудың Цяньдуннань аймағында дәстүрлі кесте өнері жергілікті тұрғындардың күнделікті өмірімен тығыз байланысып, этникалық мәдениетке мұрагерлік ету ісіне жаңа өміршеңдік күш қосуда.