9-ыншы Қытай халықаралық импорт көрмесіне арналған экспонаттардың алғашқы легі Қытайға жетті

13 қазан, онлайн «Халық Газеті» -- 12 қазанда 9-ыншы Қытай халықаралық импорт көрмесіне арналған экспонаттардың алғашқы легі кедендік рәсімдеуден өтіп, ел аумағына жеткізілді.

Шанхай кеденінің мәліметінше, бұл жүк Австриядан теңіз жолымен Шанхайға жеткізілген. Оның құрамында Азия нарығында алғаш рет таныстырылып отырған токарлық-фрезерлік өңдеу орталығы бар. Өндіруші компания – австриялық WFL Millturn Technologies аталмыш көрмеге алғаш рет қатысып отыр.

Алғашқы лек келгеннен кейін, жақын арада Шанхайға француз шиналары, австралиялық кофе және қазақстандық балмұздақ сияқты басқа да экспонаттардың келуі жоспарланған.

Шанхай кедені өзіне қарасты 26 кедендік бөлімшеде 123 көрмеге арнайы қызмет көрсету терезесі мен арнасын ашты. Бұл шаралар өз кезегінде жоғары сапалы әлемдік өнімдердің Қытайдың ауқымды нарығына тиімдірек енуіне ықпал етеді.

9-ыншы Қытай халықаралық импорт көрмесі Шанхайда 5-10 қараша аралығында өтеді.