11 қазан, онлайн «Халық Газеті» -- ҚКП 18-інші мемлекеттік құрылтайынан кейін Қытайдың пошта жөнелтілімдері индустриясы қарапайымнан ұлғаюға қарай өтіп, 100 миллиард данадан астам жедел жеткізу бизнесінің жылдық көлемімен, триллион юаньдық жедел жеткізуден түскен жылдық табыспен жаңа кезеңге аяқ басты. Әлемдегі ең қолжетімді, ең инклюзивті, ең ауқымды және ең үлкен пошта экспресс желісі іске қосылды.
10 қазан, онлайн «Халық Газеті» -- Мемлекеттік зияткерлік меншік басқармасы директорының орынбасары Ху Вэньхуэй 9 қазанда өткен Мемлекеттік зияткерлік меншік басқармасының кезекті баспасөз мәслихатында 2012 жылдан 2021 жылға дейін Мемлекеттік зияткерлік меншік басқармасы өнертабыстарға жалпы 3,953 миллион патент бергенін, бұл көрсеткіштің жылына орта есеппен 13,8%-ға өсіп отырғанын, жалпы 35,563 миллион сауда белгілері тіркелгенін, мұның орташа жылдық өсімі 25,5%-ды құрағанын хабарлады. «Біздің еліміздің зияткерлік меншік құқығы инновациялар мен жасампаздықты ынталандыруда неғұрлым пәрменді болып табылады»,- деді Ху Вэнхуэй.
9 қазан, онлайн «Халық Газеті» -- 8 қазанда Ұлттық статистика бюросы жариялаған партияның 18-інші мемлекеттік құрылтайынан кейінгі экономикалық және әлеуметтік даму жетістіктері туралы есептер сериясында, 2021 жылы Қытайдың жалпы ішкі өнімнің (ЖІӨ) бірлікке шаққандағы энергия шығыны 2012 жылмен салыстырғанда 26,4% - ға төмендегенін, орташа жылдық төмендеу мөлшері 3,3% болғаны көрсетілді. Бұл шамамен 1,4 миллиард тонна стандартты көмір энергиясын үнемдеуге және аз пайдалануға тең.
8 қазан, онлайн «Халық Газеті» -- Жақында тілшінің Шыңжаң Ұйғыр автономиялы регионының көлік бөлімінен алған ақпаратына сәйкес, 2012 жылдан бастап Шыңжаңда 62,200 шақырым жаңа жолдар салынғаннан кейін, Шыңжаңдағы тас жолдың жалпы ұзындығы 217,300 шақырымға жетті. Автомобиль жолдарының тығыздығы 2012 жылдың бастапқы кезеңімен салыстырғанда 40% -дан астамға өсті.