Норвегия теңізінен байқалған 18-ғасырдағы кеме қирандысынан Қытай фарфоры табылды

3 маусым, онлайн «Халық Газеті» -- Норвегиялық археологтар елдің оңтүстігіндегі Скагеррак бұғазында су астында шамамен 600 метр тереңдікте 18-ғасырдың ортасына жататын кеме қирағандысын анықтады. Кемеден көптеген жақсы сақталған қытай фарфоры – негізінен көк-ақ фарфор – суға батып кеткен кемеден сүзіліп шықты. Археологтардың пікірінше, Скандинавия аймағында бұған дейін мұндай құнды кеме қирағандысы табылмаған.

Фарфордан басқа, кемеден аспалы шамдар, шыны аяқтар, тоқыма бұйымдары, астық, сондай-ақ шай мен дәрілік шөптер салынған ағаш жәшіктер де табылды. Аспалы шамдар неміс немесе ағылшын үлгісінде жасалған. Кеменің қайдан шыққаны және қайда бара жатқаны әзірше белгісіз.

Бұл кеме қирағандысын алғаш рет Норвегиялық сағат дизайнері әрі су асты роботтары компаниясының басшысы анықтады. Қазір Норвегияның тиісті органдары барлау-зерттеу жұмыстарын жалғастыруда. Таңдаулы артефактілер маусым айында Норвегияда көрмеге қойылады.

Норвегияның климат және қоршаған орта министрі Эриксен бұл байқаудың ерекше маңыздылығын, оның ғылыми құндылығы жоғары екенін және Скандинавияның теңізде жүзу тарихын зерттеуге жаңа көзқарас беретінін айтты.