Алашанькоу кеденіндегі жүк тасымалы алғаш рет 10 миллион тоннадан асты! Қаңтар-сәуір аралығындағы жүк тасымалы тарихи сәйкес кезеңдегі ең жоғары көрсеткішке жетті

4 маусым, онлайн «Халық Газеті» -- 3 маусымда Алашанькоу кеденінен алынған мәліметке сәйкес, биылғы қаңтар-сәуір айларында Алашанькоу бақылау-өткізу бекеті арқылы өткен импорт-экспорт жүк тасымалының көлемі 10 млн 716 мың тоннаны құрап, өткен жылдың сәйкес кезеңімен салыстырғанда 11%-ға артты және алғаш рет тарихи сәйкес кезеңдегі жүк тасымалы 10 миллион тоннадан асып, рекорд жаңартты.

Тасымал құрылымына келетін болсақ, бекетте теміржол және автокөлік екі арна үйлесімді дамып, екеуінің көлемі де өсті, логистикалық тасымал құрылымы үздіксіз оңтайландырылуда. Оның ішінде, теміржол бекеті арқылы тасымалданған жүк көлемі 6 млн 383 мың тонна болып, өткен жылдың сәйкесті кезеңімен салыстырғанда 13,4%-ға артты; автокөлік бекеті арқылы тасымалданған жүк көлемі 517 мың тонна болып, өткен жылдың сәйкесті кезеңімен салыстырғанда 46%-ға өсті. Екі арнаның үйлесімді жұмысы бекеттің сыртқы саудасын тұрақтандыру, сапасын арттыру және көлемін ұлғайтуға күшті қолдау көрсетті.

Автокөлік бекеті арқылы тасымалдау процесінің жылдамдығы мен тиімділігі айтарлықтай артып, шекарааралық жүк тасымалы одан әрі жанданды. Қаңтар-сәуір аралығында Алашанькоу автокөлік бекеті арқылы өткен көліктер саны 53 мың ретке жетті. Экспортталатын негізгі тауарларға механикалық және электрлік бұйымдар, жоғары технологиялық өнімдер, киім және оған қосатын бөлшектер сияқты категориялар кіреді. Сауда географиялық ауқымы кең, тауарлар Орталық Азияның бес елі, Ресей және тағы 80-нен астам ел мен аймаққа жеткізіліп, шекарааралық нарық кеңістігі үздіксіз кеңейіп келеді.