Яньчэн-Исин жоғары жылдамдықты теміржолының Янцзы өзені тоннеліне «Фэнцзихао» бұрғысының пышағы сәтті түсірілді (4)

5 маусым, онлайн «Халық Газеті» -- 4 маусымда China Railway 14-інші бюросы салып жатқан Яньчэн-Исин жоғары жылдамдықты теміржолының Янцзы өзені тоннеліне «Фэнцзихао» қалқанды бұрғысының пышақ дискісі сәтті түсірілді. Қазу диаметрі 14,33 метр, жалпы салмағы шамамен 469 тонна болатын пышақ дискісі қалқан корпусымен дәл «қосылды». Бұл тоннельдің қалқанды секциясын кейіннен қазуға беру үшін берік негіз қалады.

Яньчэн-Исин жоғары жылдамдықты теміржолының Янцзы өзені тоннелі — бүкіл желінің бақылау нысаны болып табылады. Ол солтүстігінде Цзянсу өлкесінің Цзинцзян қаласымен, оңтүстігінде Цзянъинь қаласымен жалғасады. Жалпы ұзындығы 8130 метр, бір тоннел бағытында екі жолақты жобамен салынған. Жобалық жылдамдығы сағатына 250 шақырым. Бұл — Қытайда қондырмалы құбырлы сегменттер қолданылған тұңғыш жоғары жылдамдықты теміржол щиттік тоннелі.

Яньчэн-Исин жоғары жылдамдықты теміржолы Сюйчжоу — Яньчэн жоғары жылдамдықты теміржолының Яньчэн бекетінен басталып, Нанкин-Ханчжоу жоғары жылдамдықты теміржолының Исин бекетіне қосылады. Жаңа негізгі желінің жалпы ұзындығы шамамен 311 шақырым. Құрылыс аяқталып, пайдалануға берілгеннен кейін бұл желі маңайдағы халықтың сапар жасауын ыңғайлы етіп, Янцзы өзенінің дельтасы аумағындағы жоғары жылдамдықты теміржол желісінің орналасуын жетілдіруде және біртұтас дамуын жоғары сапалы түрде ілгерілетуде маңызды мәнге ие.